Velkomen til kurs i oppfølging av langvarig sjukefråvær for leiar med personalansvar.

Har du medarbeidarar som har vore lenge borte frå arbeid, eller ønskjer du større tryggleik i leiarrolla når sjukefråværet varer over tid? Dette kurset gir deg auka innsikt i leiaransvar, handlingsrom og plikter når sjukefråværet strekkjer seg utover ni månader.

Kurset har som mål å styrkje leiarane si kompetanse i oppfølging av langvarig sjukefråvær. Du får innsikt i kva gevinstar strukturert og systematisk oppfølging kan gi.

Du vil få kunnskap om:

• medverknad og god, tillitsbasert dialog med den tilsette
• arbeidsgivar sitt ansvar, handlingsrom og tilretteleggingsplikt
• krav til dokumentasjon
• moglegheiter for arbeidsutprøving
• samarbeid med Nav, aktuelle tiltak og rollefordeling
• relevant lov- og avtaleverk
• ansvarsdeling mellom leiar, medarbeidar og HR ved langvarig sjukefråvær

Kurset er praksisnært og gir konkrete verktøy som støttar leiarar i trygg, tydeleg og korrekt oppfølging gjennom sjukefråværsforløpet.