Alle tilsette i Vestland fylkeskommune må kjenne til og søkje å etterleve dei etiske retningslinjene. Dette korte nettkurset gir hjelp til etisk refleksjon i jobbkvardagen.
Etiske retningslinjer er vedtekne av Vestland fylkesting og byggjer på fylket sine kjerneverdiar "kompetent", "open" og "modig". Målet er at alle tilsette skal tenkje og opptre etisk og i samsvar med verdiane.
Dei etiske retningslinjene har fire hovudtema:
- Integritet og interessekonflikt
- Personleg åtferd
- Digitale plattformer og sosiale medium
- Varsling*)
Samfunnsoppdraget for Vestland fylkeskommune er: «Vi set retning, engasjerer og samhandlar for å utvikle gode tenester og eit framtidsretta Vestland».
I samsvar med samfunnsoppdraget og visjonen om å vere «nyskapande og berekraftig» forvaltar fylkeskommunen verdiane til fellesskapen med vekt på menneskeverd og likeverd, utøver offentleg mynde og yter tenester som er viktige for samfunnet, enkeltmenneske og verksemder. Tilsette i Vestland fylkeskommune skal vere medvitne om samfunnsansvaret som følgjer med desse oppgåvene og utøve dei på ein rettferdig og tillitvekkjande måte.
*) Varsling er ikkje omhandla i dette kurset. Retningslinjer for varsling i VLFK finn du her.
